კონფერენციები

მასწავლებელთა პირველი
ეროვნული კონფერენცია ,,საუკეთესო პედაგოგიური პრაქტიკა

ზოგადსაგანმანათლებლო სკოლებში’’

                     

       2013 წლის 23-24 დეკემბერს  დაბა ჩაქვში ჩატარდა მასწავლებელთა პირველი ეროვნული კონფერენცია.

კონფერენციის  მიზანია  პედაგოგიური  პრაქტიკის გაზიარება საქართველოს  საჯარო  სკოლის გამარჯვებულ,  სხვადასხვა  რეგიონებიდან  მოწვეულ პედაგოგებს  შორის,  რაც  გაზრდის  მათ  მოტივაციას,  ეფექტური  სასწავლო  აქტივობების  მიგნების  და  სიახლეების  პრაქტიკულად  გამოყენების  უნარს. მასწავლებლები  გაეცნენ  პროფესიული  განვითარების  ცენტრის  მიერ  გაწეული  მუშაობის  ანგარიშს,  მოსალოდნელი  ცვლილებების  სავარაუდო  მიმართულებებს.

შიდა სასკოლო კონფერენცია

2014წლის 9 ოქტომბერს ქუთაისის #31 საჯარო სკოლაში მოეწყო მასწავლებელთა შიდა სასკოლო კონფერენცია-„საუკეთესო პედაგოგიური პრაქტიკა ". კონფერენციის მიზანი იყო მასწავლებელთა პროფესიული, პედაგოგიურ - პრაქტიკული კვლევის უნარ-ჩვევების გამოცდილების გაზიარება.

                  

საგანმანათლებლო ტექნოლოგიების კონფერენცია

მასწავლებელთა პროფესიული განვითარების ეროვნული ცენტრი 2013 წლის 21-23 ნოემბერს მოაწყო საქართველოს საგანმანათლებლო ტექნოლოგიების კონფერენცია. კონფერენციაზე მოწვეული იყო დაინტერესებული პირები, რომლებიც აცნობიერებენ ტექნოლოგიებისა და ინოვაციების მნიშვნელობას თანამედროვე საგანმანათლებლო სივრცის ჩამოყალიბებასა და 21 საუკუნის უნარების განვითარებაში, აქტიურად უწყობენ ხელს ან პრაქტიკულად ნერგავენ სასწავლო გარემოში. საქართველოს საგანმანათლებლო ტექნოლოგიების კონფერენცია მიზნად ისახავს ტექნოლოგიების სფეროში მიმდინარე თანამედროვე ტენდენციების, საგანმანათლებლო სექტორში ინტეგრირებისა და განპირობებული ცვლილებების შესახებ დაინტერესებული მხარეების ინფორმირებას, ტექნლოგიების სასწავლო პროცესში გამოყენების საუკეთესო პრაქტიკისა და გამოცდილების გაცნობასა და გაზიარებას მასწავლებლებს, ექსპერტებს, უნივერსიტეტის წარმომადგენლებსა და საგანმანათლებლო ტექნოლოგიების სფეროში მოღვაწე ორგანიზაციებს შორის. კონფერენციის ძირითადი აქტივობები: - პარალელური სესიები საგანმანათლებლო ტექნოლოგიებისა და მათი სასწავლო პროცესში გამოყენების შესახებ; - საერთაშორისო და ადგილობრივი მოწვეული ექსპერტების მოხსენებები საგანმანათლებლო ტექნოლოგიების სფეროში მიმდინარე ტენდენციებისა და განპირობებული ცვლილებების შესახებ; - პლენარული სესიები საქართველოსა და საერთაშორისო პერსპექტივების შესახებ; - ექსპერტების სესიები ტექნოლოგიური სიახლეების, გაჯეტების და პროგრამების შესახებ განათლებაში; - ტექნოლოგიების სემინარები საკლასო ოთახში არსებული ტექნიკური პრობლემების გადაჭრის გზებზე; - ტექნოლოგიების გამოფენა და პრაქტიკული აქტივობები სხვადასხვა კომპიუტერული მოწყობილობებისა და პროგრამული უზრუნველყოფების დემონსტრირების მიზნით; - პოსტერების გამოფენა ინოვაციური პროექტებისა და სკოლაში ტექნოლოგიების დანერგვის გამოცდილების სადემონსტრაციოდ; - სასკოლო ვიზიტი ისტ-ის დანერგვის საუკეთესო პრაქტიკის მაგალითის დემონსტრირებისა და გამოცდილების გაზიარების მიზნით.

მასწავლებელთა მეორე ეროვნული კონფერენცია

 

                         
 

 

მასწავლებელთა მეორე ეროვნული კონფერენციის გამარჯვებულთა დაჯილდოება

თბილისის მასწავლებლის სახლში მასწავლებელთა მეორე ეროვნული კონფერენციის "საუკეთესო პედაგოგიური პრაქტიკა ზოგადსაგანმანათლებლო სკოლებში" გამარჯვებულთა დაჯილდოვება გაიმართა. საზეიმო ცერემონიალი საქართველოს განათლებისა და მეცნიერების მინისტრის მოადგილემ ლია გიგაურმა და მასწავლებელთა პროფესიული განვითარების ეროვნული ცენტრის დირექტორმა გიორგი მაჩაბელმა გახსნეს.

კონკურსი მიმდინარე წლის ივნისში გამოცხადდა. შემოსული 500-ზე მეტი განაცხადიდან 208 საუკეთესო თემა შეირჩა. პირველ და მეორე ეტაპზე, რეგიონულ კონფერენციებში, მონაწილეობას იღებდნენ ის პედაგოგები, რომელთა ნაშრომმა საკონკურსო კომისიის უმაღლესი შეფასება მიიღო. კონფერენციის გამარჯვებული 50 მასწავლებელი კი ფარული კენჭისყრის შედეგად თავად კოლეგებმა გამოავლინეს.

მასწავლებელთა ეროვნული კონფერენცია, რომელიც მიზანმიმართულია სწავლების თანამედროვე მეთოდების დანერგვაზე, საუკეთესო პედაგოგიური პრაქტიკის გამოვლენასა და გაზიარებაზე, წელს უკვე მეორედ გაიმართ

     მასწავლებელთა  კონფერენცია         

სსიპ ქალაქ ქუთაისის # 17 საჯარო სკოლა 

2015 წლის 24 იანვარს  სსიპ ქალაქ ქუთაისის N17 საჯარო სკოლაში გაიმართაა მასწავლებელთა კონფერენცია.

კონფერენცია მიზნად ისახავდა მასწავლებელთა მეორე ეროვნული კონფერენციის გამარჯვებული ქუთაისის საჯარო სკოლების მასწავლებლების წარდგენას პედაგოგიური საზოგადოების წინაშე, აგრეთვე სკოლის ბაზაზე მასწავლებელთა პროფესიული განვითარების ჯგუფებისა და GE CLASS-ის პროგრამაში ჩართული სკოლების სამუშაო ჯგუფების საუკეთესო გამოცდილების გაზიარებას, საუკეთესო პედაგოგიური პრაქტიკის დემონსტრირებას და სასკოლო ქსელის შექმნას.მოხსენებები წარმოადგინეს პედაგოგებმა: ელისო აბრამიშვილმა, ინდირა შენგელიამ,მაია სინაურიძემ, ნატია ბრეგაძემ,მარინა ისკაკოვამ, ნინო ჩხეტიამ,ლაურა ჯიმშელეიშვილმა,ქეთევან რუხაძემ,ფაქიზო ფანჩულიძემ,შორენა ტყემალაძემ, თეა გაგუამ,თინათინ სვანაძემ და სხვებმა. აკ. წერეთლის სახელმწიფო უნივერსიტეტის ,,ჩაშენებული სისტემები საქართველოში'' დოქტორანტებმე გიორგი ჩიჩუამ და თეიმურაზ სახელაშვილმა უნივერსიტეტის სტუდენტებთან ერთად წარმოადგინეს რობოტო ტექნიკის პრეზენტაცია და საზოგადოებას გააცნეს ტექნოლოგიური სიახლეები რომელთა დანერგვაც უფრო მეტად შეუწყობს ხელს სასწავლო პროცესის ხარისხის ამაღლებას